 |
| Image Courtesy: Internet |
এয়া চিগাৰেট জ্বলাইছো
তুমি যে কোৱা চিগাৰেট নাখাবা__ সেইবাবেই
বুজাইতো
মই ক্লান্ত এটা প্ৰাণ, দিকবিদিক নোহোৱা হেজাৰটা ঢৌ
মোৰ চুলিত শতিকাৰ এন্ধাৰ
দেহত বুটাম বিহীন চিগা কামিজ
চকুত ফুচফুচ হাঁহিৰ দুপৰীয়া ।
.
.
ৰাতিৰ শেষত সৰি পৰা টোপ টোপ নিয়ৰ
গল্প লিখিছিলো জোনাকীৰে
সকলো চৰাই ঘৰলৈ আহে
নদ নদী হেজাৰ সাগৰ পাৰ হৈ
তুমি নাহিবানে??
.
.
এতিয়া মই উজাগৰে থাকো
অসুখত ডুবি ডুবি চিগাৰেট জ্বলাও
শৃংখলিত হ'ব নোখোজা বেবাৰিবাং শব্দবোৰ কুণ্ডলী পকাই উৰুৱাওঁ
আল বাল হেজাৰটা ধোৱাৰ ৰিং বনাওঁ
আৰু জাহ খেদাওঁ প্ৰতিটো ধোৱাত তোমাৰ শপত ।
.
.
ওঁঠত জলন্ত চিগাৰেট
ভাৱিছিলো
বিষাদবোৰ কুণ্ডলী পকাই শেষ কৰিম ধোঁৱাৰ মাজত
অথচ হৃদয়খনেই হেৰাল ধোঁৱাত
চাল্লা , এয়াওঁ জীৱন ।
.
.
এয়া চিগাৰেট জ্বলাইছো
খিৰিকীৰ কাষত কবিতা
কবিতাৰ ওচৰত আঠু কাঢ়ি বহিছো
জলক তবক চাৱনিৰে কান্দিছো
নিজলৈ পিঠি দি আত্মহননৰ চেষ্টা কৰিছো
আৰু জ্বলি জ্বলি জীয়াই আছো
চিগাৰেটৰ ধোঁৱাৰ মাজত ।
.
.
.
✍✍পাৰ্থ
0 comments :
Post a Comment