স্থানাংক
----------
কিবা এটাই যেন মাৰিহে পেলাইছে
সময়ৰ ফাঁকে ফাঁকে অদৃশ্য সংগীত
দ্বিকেন্দ্ৰিক বৃত্ত
দুটা আঙুলিৰ ভৰত চাৰিওপিনে চাওঁ
ঢুকি পোৱা দূৰত্বত ঘূণে ধৰা মকৰাজাল
অৰণ্যত জুই জ্বলে সেউজীয়াৰ
পোহৰ¸ পোহৰ আছেনে তাত ?
কিবা এটা বিচাৰি ফুৰিছো
পথেই সত্য এই পৃথিৱীত
হে সময়¸ তোৰ আৰম্ভণি ক'ত ?
মোৰ টোকাবহীতো এখনি আকাশ আছে
আছে হেজাৰটা সুৰুয
ক'লা ক'লা দ গাত
পোহৰ¸ পোহৰ ইয়াত
0 comments :
Post a Comment