 |
| Image Courtesy: Internet |
. কলুষিত ক্ষুধাৰে শুকান আত্মা
এধানি ৰ'দৰ আশাত সেমেকা খোজ
গোৰোহাত লিখা আছে দৰিদ্ৰতা ।
দিনটোৰ হাড়ভগা শ্ৰমৰ পিছত
পেটৰ ভোকে যেতিয়া মুচৰি দিয়ে শৰীৰ
তেজবিহীন কলিজা
এচিড বৰষুণত তিতে বিশ্বাস
মদ খাব নালাগে আমি
চকুপানী পি মাতাল হওঁ দুখৰ ৰাতিত ।
এবুকু দুখে বাট ভেটি ধৰা সময়ত
তুমি যেতিয়া কোৱা মা ভগৱানক বিশ্বাস কৰিব
তেতিয়াই পুণৰ এবাৰ বিশ্বাস হয় অবিশ্বাস
দুখটো উজাই আহে বুকুলৈ
ক'ত তোমাৰ ভগৱান মা ?
ক'ত ?
মমবাতি হ'ব খোজা তোমাৰ কচৰৎ
হেজাৰটা সোনাৰুবুলীয়া সপোন আৰু দৰিদ্ৰতাৰ জুইকুৰা !
এতিয়া আৰু খিৰিকী খন নুখুলিবা
ভয় লাগে মা এন্ধাৰ বোৰে খেদি আহে ।
আসঃ মৃত্যুও যে কি এক প্ৰত্যাহ্বান
শেষ হৈ হৈ শেষ নোহোৱা জীৱন
জীয়াই থকা অভিশাপ
অভিশাপ দৰিদ্ৰতা ।
0 comments :
Post a Comment